Konservativit: USA-mut akileeqqusinissaq mianersuuttariaqarparput

USA'p sakkutooqarnikkut Kalaallit Nunaanniinnera akileqqussallugu Danmarkip Kalaallit Nunaatalu mianersuuttariaqarpaat.

Allattoq Helle Nørrelund Sørensen

oktobarip 17-at 2016 14:22

Nutserisoq Erna Lynge

Kalaallit Nunaata piumasaa paasisinnaagaluarlugu Konservativit illersornissaq pillugu oqaaseqartartuat Rasmus Jarlov taama isumaqarpoq:

- Isumaqarpunga piviusorsiortuunngitsoq ullumimut naleqqiullugu annertunerujussuarmik USA akiliisinniassallugu. Isumaqarpunga amerikamiut ima paasinnittaaseqartut Kalaallit Nunaata Danmarkillu USA-mut attaveqarnerat ataatsimoortuusoq. Aamma isumaqarpunga amerikamiut misigisimanngikkaat namminneq akiittoqartuullutik.

Aamma atuaruk DF: Kalaallit Nunaat USA-mut qujasariaqarpoq

Aamma atuaruk Justus Hansen: USA Pituffimmut akiliuteqassaaq

USA-mi Kalaallit Nunaanniinnera naalagaaffeqatigiinnut pingaaruteqarsimasutut isigivaa.

- Naliginnaasutummi oqarsinnaavugut ukiuni qulikkaani arlaqartuni Kalaallit Nunaata Danmarkillu isumannaatsuunissaat isumagisarisimammassuk. Tassanngaannarlu akileeqqusilerneq uanga nammineq tulluartuunngitsutut isigaara.

Taarsiullugu partiip amerikamiut kimigiiserfigerusunneruai Kalaallit Nunaanni sakkutooqarfigisimasaminni saleeqqullugit.

Saliinissat Danmarkip, Kalaallit Nunaata USA-allu akilissavaat.

USA'p Kalaallit Nunaanniinnerminut akiliisalernissaa Dansk Folkepartip isumaqatiginngilluinnarpaa. Socialdemokratiilli misissueqqaarusuttut, Venstret piumasaqaat suli oqaaseqarfiginngikkaat.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.