USA-mi teriarsuit saassussiumatuunngornerat mianersoqqussutaasoq

Inuit neriniartarfinni neriartortarnitik coronavirusip ajornartorsiortitsinerani ilaatigut maqaasisarsimassavaat.

USA-mi nuna tamakkerlugu neriniartarfiit suliffeqarfiillu matoqqanikuupput, assersuutigalugulu teriarsuit sinnikusiorsinnaasimanatik.

Teriarsuit tamanna pillugu saassussiumatuunngortut, USA-mi nappaatinik nakkutilliinermut pitsaaliuinermullu sullissiviup, CDC-p, tamanna neriniartarfinnut mianersoqqussutigaa.

Nutaarsiassaqartitsivik DPA taama allaaserisaqarpoq.

AAMMA ATUARUK Amerikami illoqarfissuarni neriniartarfiit matuneqartut

Teriarsuit neriniartarfinni eqqaavinnilu coronap ajornartoortitsinerani qaammatini kingullerni marlunni sinnikusiorsinnaasimanngillat.

Teriarsuit illoqarfissuup New Orleansip aqqusernini katersuuttalersimasut Chicagomilu ulluunerani aamma sinnikusiortalersut, aviisi The New York Times allappoq.

Teriarsuit ajunaarnersuaqarnerani ajornartorsiortarnerat nalinginnaasoq, CDC allappoq.