USA-mi angallaffiusuni qanermut assiaqutip atorneqarnissaanut piumasaqaat sivitsorneqartoq

Coronamut virusip tuniluutiasup deltap tuniluutitsinera peqqutigalugu USA-mi angallaffiusuni qanermut assiaqutip pinngitsoorani atorneqarnissaanut piumasaqaat qaammatini arlalinni sivitsorneqarpoq.
Tuniluutiasup deltap tuniluunnera sualunnerulersimanerata kingunerisaanik taama aalajangiisoqarpoq. Inuit akiuussutissamut kapitissimanngitsut tamatunnga tuniluutitsinerusut oqaatigineqarpoq. Assi © : Emily Kask/AFP/Ritzau Scanpix
Allattoq Ritzau
aggustip 18-at 2021 09:38
Nutserisoq Karline Platou

Amerikami præsidentip Joe Bidenip allaffeqarfiata aalajangerpaa, Coronamut virusip tuniluutiasup deltap tuniluutitsinera peqqutigalugu, USA-mi angallaffiusuni soorlu timmisortuni, qimuttuitsuni bussini assigisaannilu qanermut assiaqutip pinngitsoorani atorneqarnissaanut piumasaqaat, qaammatini arlalinni sivitsorneqassasoq.

Piumasaqaat taanna septembarimi atorunnaartussaagaluarpoq, maannali januaarip 18-iata tungaanut atuuttussanngortinneqarpoq. Tuniluutiasup deltap tuniluunnera sualunnerulersimanerata kingunerisaanik taama aalajangiisoqarpoq. Inuit akiuussutissamut kapitissimanngitsut tamatunnga tuniluutitsinerusut oqaatigineqarpoq.

AAMMA ATUARUK Ukiup affaani kingullermi maanna aatsaat taama USAmi tunillatsittoqartigaaq

Qanermut assiaqutip pinngitsoorani atoqqusaanera ingammik timmisartunut ilaasunut assut aalassassutaasarsimavoq, ilaasussammi arlallit qanermut assiaquteqarusunngilluinnartarsimammata.

USA-milu timmisartoqarfissuit allaffeqarfiisa nalunaarutaat naapertorlugu, inuit timmisartumi ilaasut qanermut assiaqummik atorumannginnerat pissutigalugu coronamik tunillanneqarsimasut 2867-inik amerlassuseqartut allattorsimasuutigigitsik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk