USA-mi Demokraatit naartuersissinnaatitaaneq inatsisinut ilanngutsikkusuppaat

Tassa senatimi akuerisassanngorlugu siunnersuutiginiarpaat, taamaalilluni eqqartuussiviit qullersaat apeqqummut tassunga tunngatillugu aalajangiisussaajunnaaqqullugu.

Nutaarsiassaqartitsivik Reuters taama allaaserisaqarpoq.

USA-mi Senati 100-nik ilaasortaqarpoq, naartuersinnissamullu pisinnaatitaaffik tassani taasissutigineqarpat, ilaasortat kikkut naartuersissinnaatitaanermut akuersaartuunersut kikkullu akerliunersut takuneqarsinnaalissasoq.

Naartuersinnissamut pisinnaatitaaffik USA-p tunngaviusumik inatsisaani ilaanngilaq.

Arnarli Amerikamiu Norma McCorvey naartuersissinnaasoq eqqartuussiviit qullersaat 1973-imi aalajangermalli USAmi arnat naartuersissinnaatitaalerput..

AAMMA ATUARUK USA-mi eqqartuussiviit qullersaata naartuersissinnaanerup inerteqqutaalersinneqarnissaa aalajangeraa

USA-mi eqqartuussiviit qullersaanni allakkiaq isertuussaq sapaatip akunnerani kingullermi saqqummiunneqarmat paasinarsivoq, eqqartuussisut amerlanersaat naartuersissinnaanermut pisinnaatitaaffimmik atorunnaarsitsinialersaartut.

USAp senatia Re/pup/li/kanerinik 50-inik Demokraatinillu 48-nik ilaasortaqarpoq, ilaasortallu ilaat marluk partiinut ilaasortaanngillat