USA-mi arnaq kalaallimut toqutsimasutut tigusarineqartoq
USA-imi arnaq 36-nik ukiulik kalaallimut toqutsimasutut pasineqartoq tigusarineqarpoq.
![](/sites/default/files/styles/image_934x467/public/usagl.jpg?itok=TLInXzkg)
Allattoq Karsten Sommer, Mads Lynge
Arnaq 36-inik ukiulik, kalaallip sakkutuuiarnerup USA-mi New Orleansimi toqutaaneranut atatillugu tigusarineqarpoq, maannalu tigummigallarneqarluni.
New Orleansimi politiit oqaaseqartitaat aviisimut Ekstra Bladetimut taama ilisimatitsivoq.
Angut toqutaasoq Nuummi peroriartorpoq, aallaaneqarsimasorlu New Orleansimi arfininngornermi maajip ulluisa 18-ianni ullaakkut nassarineqarluni.
Angut pineqartoq peqqarniitsumik ujajaaniarfigineqarsimasorineqarpoq.
Ekstra Bladetip paasisai naapertorlugit arnaq tigummigallagaasoq piaaraluni toqutsisimasutut pasineqanngilaq. Toqutsinissani siunertarisimagunanngilaa, New Orleansimilu politiit tamanna aallaavigalugu pisoq ujajaaniarnertut nalilerpaat.