Uranimut akerliusut marlungornermi ingerlaaqatigiissasut
Uranimik piiaanissaq nunatta akuerissaneraa, Inatsisartuni ammaanermi oqaluuserisassanngortinneqarpoq.
Tassami Peqatigiiffiit Urani Naamik Nuuk aamma Urani Naamik Narsaq uranimik piiaanissamik akerliunerminnik Nuummi Narsamilu takutitsissapput.
Naalakkersuisoqatigiilersussat uranimi piiaanissamut suli periarfisseerusupput:
- Aatsitassarsiornermi pinngoqqaatit qaqutigoortut piiarneqarnerini piiarneqartut uranitaat biproduktitut tunisassiarineqarnissaat periarfissaassaaq. Piiaanermi nunarsuarmi malitassat atuuttut isumannaallisaanermut tunngasut malinneqassapput, soorlu IAEA-p malittarisassai. Naalakkersuisoqatigiinnissamik isumaqatigiissummi taama allassimasoqarpoq.
Tamannalu uranimut akerliusut Inatsisartuni ammaanersiornermi aqqusinernut aniassutigaat.
AAMMA ATUARUK Partierne undveg at svare på uranspørgsmål
Jensen: Avatangiisit ernumagaagut
- Piianeq namminermi aamma ulorianartuuvoq.
Urani Naamik, Nuummeersoq Erik Jensen taama oqarpoq, eqqaasitsissutigalugulu peqatigiiffitsik uranimut naaggaarluinnarnermut uteqqinnissamik noqqaassuteqartuarsimasoq.
GME-p Kuannersuarni suliniutaa nangissinnaaqqullugu, Uranimut naaggaarluinnarneq oqallinnermi 2013-imi ukiakkut ataatsimiinnermi pisumi atorunnaarsinneqarpoq,
Siumup, Partii Naleqqap, Atassutip Nunatta Qitornaaasalu naalakkersuisoqatigiinnissamik isumaqatigiissutaanni atsiorneqaqqammersumi allassimavoq, aatsitassarsiornermi uuliasiornermilu avatangiisit mingutsinneqassanngitsut, tamatumalu pisarsinnaaneranut upalungaarsimanermut atortussat tamarmik nunatsinni pigineqarnissat qularnaarneqassasoq.
Tamatumali Erik Jensen eqqissisinngilaa. Taanna oqarpoq, peqatigiiffinni ernumanertik pingaarnermik uranimik piiaanerup avatangiisinut kingunerisinnaasaanik peqquteqartoq:
- Aatsitassat eqqqagassat assigiinngitsullu tasermut eqqarneqartussat aamma soorunami pissutissaqarpugut taakkua ernumassutigissallugit, Erik Jensen oqarpoq.
Uranimut piiaanissamik akerliusut Narsami Nuummilu ualeru ingerlaaqatigiissapput.
AAMMA ATUARUK Uranimik piiaavissaq pillugu nalunaarusiaq akuersissutigineqanngitsoq
