Urani pillugu innuttaasunik ataatsimiititsisoqalersoq
Urani pillugu innuttaasunik ataatsimiititsinerit arlaqartut Nunatta kitaani kujataanilu aggustip qaammataata qiteqqunnerani ingerlanneqartussanngorput.
Allattoq Walter Turnowsky
aggustip 05-at 2015 11:58
Nutserisoq Simon Uldum -
Immikkut ilisimasallit tallimaasut uranimik piiaaneq pillugu saqqummiissapput kiisalu innuttaasut apeqqutigisaannut akissuteqartassallutik. Oqalugiartussat tassaapput ilisimatuut immikkut ilisimasaqarfimminni, geologiimi, avatangiisinik illersuinermi, aatsitassarsiornermi innuttaasunillu peqataatitsinermik misilittagaqartut. Ataatsimiititsinerit politikkikkut peqataatitaqarani ingerlanneqassapput.
AAMMA ATUARUK Urani pillugu Kujataani innuttaasunik ataatsimiititsisoqalersoq
Innuttaasunik ataatsimiititsinerit Nuummi aggustip 15-iani aallarnerneqassapput kingornalu Maniitsoq, Paamiut, Narsarsuaq aamma Igaliku tikinneqassallutik. Innuttaasunik ataatsimiititsinerit taama ittut siornatigut Avannaani Kujataanilu ingerlanneqareerput.
