Narsaq.Assi: Maren Johnsen/KNR

Urani pillugu Kujataani innuttaasunik ataatsimiititsisoqalersoq

Naalakkersuisut Kujataani urani pillugu paasisitsiniaallutik innuttaasut ataatsimiisinnissaannut innuttaasunik soqutiginnittunik qaaqqusipput.

Juunimi 2014-imi innuttaasunik ataatsimiisitsinertulli politikkikkut peqataatitaqarani ingerlanneqassapput. Illoqarfinni tikeraarneqartuni innuttaasut uranimik misissuineq atuinerlu pillugu tusagaqartinnissaat siunertaralugu aaqqissuunneqarput. Naalakkersuisut tusagassiorfinnut nalunaaruteqarlutik taama allapput.

Oqalugiartussat tassaapput immikkut ilisimasaqarfimminni, geologiimi, avatangiisinik illersuinermi, aatsitassarsiornermi innuttaasunillu ilanngussuinermi ukiorpassuarni misilittagaqartutut ilisimatuut misilittagaqarluartut.

Kujataani innuttaasunik ataastsimiititsinerit illoqarfinni ulluunilu ukunani pissapput:

  • Narsaq, marsip  23-ani, nal. 19 katersortarfimmi
  • Nanortalik, marsip 24-ani, nal. 19 katersortarfimmi
  • Qaqortoq, marsip 25-ani, nal. 19 katersortarfimmi
  • Narsarsuaq, marsip 26-ani, nal. 12 Hotel Narsarsuarmi

Angalanissamut tunngavissiipput Vittus Qujaukitsoq, Andreas René Uldum aamma Mala Høy Kúko, tassaasut Inuussutissarsiornermut, Suliffeqarnermut Niuernermut Nunanullu allanut Tunngasunut, aamma Aatsitassanut Aningaasaqarnermullu, kiisalu Pinngortitamut, Avatangiisinut Inatsisinillu Atuutsitsinermut Naalakkersuisuni ilaasortat.

Ataatsimiititsinissanut pilersaarut tamakkiisoq ataani kakkiussami atuarneqarsinnaavoq:

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat