Isumasioqatigiinneq uran pillugu oqallinnermik aallartinneqarpoq
Inuit Ataqatigiit aasaarnerani katerisimaarnertik Narsami sapaatip akunnerata naanerani ingerlappaat.
Uran pillugu isumasioqatigiinneq soqutiginnittunut tamanut ammatinneqartoq Narsami ullumi aaqqissorneqarpoq
Inuit Ataqatigiit siulittaasuata Sara Olsvigip uran pillugu isumasioqatigiinneq Narsami ullumi ammarpaa
Allattoq Inge S. Rasmussen
juunip 11-at 2016 17:40
Nutserisoq Jaaku Lyberth
Inuit Ataqatigiit sinnerlugit nunarput tamakkerlugu qinigaasut 25-it peqataapput.
Inuit Ataqatigiinni ilaasortat saniatigut uranimut illersuisut akerliusullu peqataapput kiisalu uranimik piianermik ilisimasaqartut Australiamit Canadamit Nunavummiillu pisut isumaqasioqatigiinnermi aamma peqataapput
Kuannersuarmi Narsamiittumi uranimik piaanissamik kissaateqartoq Greenland Minerals and Energy isumasioqatigiinnissamut aggersarneqarsimagaluarpoq peqataanissamulli kissaateqarsimanani, Inuit Ataqatgiit tusagassiuutinut nalunaaruteqarlutik taama allapput.
