Uran-imik piiaanissamut mianersoqqusisut
Avatagiisit pillugit suliniaqatigiiffiit taakku isummersuutaat malillugu Kuannersuarni piiaanermi uranimik saniatigooralugu piaanissaannaq pinngilaat. Greenland Minerals and Energy-mmi - naalisarlugu GME-p – naatsorsuutai malillugit uran-iinnarluunniit piiassagaanni piaaffik imminut akilersinnaanerareeraat avatagiisit pillugit suliniaqatigiiffiit tikkuartuuppaat. Tassa Kuannersuarni piiaasoqalissagaluarpat nunarsuarmi uran-imik piiaaffiit annerpaartaasa pingajorilissagaluarpaat, uranimillu piiaaffiit ammaannartut akornanni annerpaat tullersortigilissagaluarnerarneqarluni.
Aamma raatiup qinngorneranik mingutsitsisooriaannaanerup annikittuaraannaasorineqarnera avatagiisit pillugit suliniaqatigiiffiit mianersoqqussutigaat, Kuannersuarnilu piiaaffiliortoqassagaluarpat piiakkanit raatiomik qinngornertalinnik eqqagassaqartoqartarnissaa ernumagineqarluni.