Ups: Angjoqqaat meeqqerivinnit matoqqasunit akiligassarsisut
Nuummi ulluunerani paaqqinniffiit piffissami matumani matoqqapput.
Coronap ajornartorsiortitsinerani illoqarfiit pingaarnersaat matoqqaa – angajoqqaarpassuit meeqqatik meeqqat atuarfiisa matoqqaneranni aamma angerlarsimaqatigaat.
Nuuk matoqqavoq:
Ilinniarfeqarfiit, meeqqat atuarfii ulluuneranilu paaqqinniffiit marsip ulluisa 18-iata tungaanut matoqqapput.
Matoqqatitsineq apriilip ulluisa arfineq-pingajuanut atuukkallarpoq.
Kommuneqarfik Sermersoorli maanna kukkussuteqarpoq: Tassami angajoqqaat apriilimi akiliinnginnissaannik oqarfigisimasani akiligassanik nassiussivigai.
Taamaammat ulluunerani paaqqinniffimmut akiligassinneqarsimaguit akilissanngikkit, Kommuneqarfik Sermersooq nalunaaruteqarpoq.
Akileereersimaguit aningaasat utertinneqarumaarput, kommune neriorsuivoq.
Kommuneqarfik Sermersooq pisinnaalerniariaruni angajoqqaanut eqqugaasunut pisortatigoortumik allagaqarumaarpoq.
