Upernavimmi killilersuutit nutaat atuutilerput

Inuit amerlanerpaamik 20-t Upernavimmi katersuuteqqusaalerput, inuillu inuiaqatigiinnut tunngasumik pingaarutillit kisimik Upernaviup avataanut aallarsinnaapput
Tunillatsissimasunut napparsimasunullu nukiit maanna annerusumik atorneqassapput, soorlu tunillatsissimasunik oqarasuaatikkut attaveqartarnermut. Assi © : Dia Jensen
Allattoq Karline Platou
novembarip 25-at 2021 18:43

Taamatuttaaq Upernavik qimallugu aallarsinnaasut maanna killeqartinneqalerput. Aalajangerneqarpormi unnuap qeqqaniit atuutilersumik sapaatip ataasinngornerullu tungaanut ingerlasussamik inuit pingaarutillit kisimik soorlu inuiaqatigiinnut tunngasumik suliaqartut Upernavimmiit aallarsinnaatitaassasut.

Killilersuutillu pineqartut ulluni 14-ni atuutissapput.

 

Tuniluunneq siaruapallappoq

Upernavimmi coronap tuniluunnera ima sualutsigilerpoq, illoqarfiup innuttai 1.100-nik amerlassusillit tamarmik tunillanneqarsimasunut attuumassuteqarsinnaanerat naatsorsuutigineqarluni, tamannalu killilersuutit sukateriffigineqarnerinik nassataqarpoq:

LÆS OGSÅ Naalakkersuisoq for sundhed: Alle unødvendige rejser til Upernavik bør stoppes

Namminersorlutik Oqartussat nalunaarpoq, misissuutip ilassaa Upernavimmut maanna nassiunneqartoq, taannalu atulerpat misissorneqarsinnaasut pingasoriaammik amerlisinnaasut oqaatigineqarpoq.

Misissuisarneq pisariaqartitsineq naapertorlugu ingerlanneqartassasoq Namminersorlutik Oqartussat nalunaarutaanni allassimavoq, soorlu: kiaqartut, quersortut, niaqorluttullu pingaartumik salliutinneqartassallutik.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq