Politi: Unnuaq Nuummi imigassartorpallaarsimallutik biilertut pingasut tigusarineqarput

Illoqarfiit pingaarnersaanni imigassartorsimallutik biilertut pingasut sapaammut unnuami politiinit unitsinneqarput. 

Imigassartorpallaarsimallutik biilertunik Nuummi politiit sammisaqarnerusimanerisa kingorna pisoq Anette Ostenfeldt, Kalaallit Nunaata politiivini pigaartuusut pisortaat KNR-imut oqarpoq. 

-Inuit sianeraangata nalunaarutigisanut anngunniarsarisarpugut namminerlu aamma aqqusinerni biilernerni ileqqorisanut tappinnerusarluta, unnuaq politiinit suliat pillugit pigaartut pisortaat oqarpoq.

Unnuap aallartilaarnerani imigassartorpallaarsimallutik biilertut marluk tigusarineqarput aavinilu imigassap akuusup annertussusaa paasiniarlugu napparsimmavimmukaanneqarlutik, pingajuat sapaatip ullaavani tallimat eqqaani tigusarineqarpoq. 

Tamarmik tigummigallagassanngortinneqarput aavinilu imigassap akuusup annertussusaata promillitavia paasiniarlugu napparsimmavimmukaanneqarlutik.