Assi: Google Maps

Unnerluutigineqartup nassuiaatini eqqartuussivimmi allanngortikkaa

Angut nunatsinneersoq arnamik islandimiumik Birna Brjánsdótturimik Reykjavikkimi toqutsisimasutut unnerluutigineqartoq 'pinngitsuunerarpoq'.

Islandimi tusagassiorfik visir.is taama allaaserisaqarpoq.

Angut pineqartoq kilisaatip Polar Nanup Islandip illoqarfiisa pingaarnersaannut ukioq manna januaarip qaaammataani aqqusaarnerani arnamik 20-nik ukiulimmik toqutsisimasut unnerluutigineqarpoq.

Aamma hashimik 20 kilut sinnerlugit anngiortumik eqqusseriaraluarsimasutut unnerluutigineqarpoq.

AAMMA ATUARUK Kalaaleq toqutsisimasutut hashimillu eqqusseriarsimasutut pasineqarpoq

Unnerluutigineqartorli Reykjavikkimi Eqqartuussivimmi ippassaq marlunngornermi danskisut naatsumik ima oqarpoq: Unnerluussutaasunut marluusunut "pinngitsuuvunga",  visir.is taama allaaserisaqarpoq.

Tamannalu unnerluutigineqartup politiinit killisiorneqarnermini nassuerutigisimasaanit allaaneruvoq, ikiaroornartummi pillugit inatsimmik unioqqutitsisimasimanini nassuerutigigaluarmagu.

Toqutsinermulli tunngatillugu pinngitsuunini aalajangiusimaannarpaa.

Angut unnerluutigineqartoq toqutsisimasutut pisuutinneqarluni eqqartuunneqassaguni, ukiunit tallimanit inuuneq naallugu parnaarussassanngortinneqaratarsinnaavoq.

Suliamut tunngatillugu eqqartuussineq tulleq Reykjavikkimi Eqqartuussivimmi apriilip 25-ani pissaaq, eqqartuussinerillu allat, ilaatigut unnerluutigineqartup nassuiaataanik saqqummiussiffiusussat aatsaat maajimi ingerlanneqarnissaat naatsorsuutigineqarluni.

Unnerluutigineqartup eqqartuussissuserisutut illersuisua oqaaseqartissinnaasimanngilarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat