Tusagassiorfiit: Pasineqartup hashimik anngiortumik eqqusseriaraluarnini nassuerutigaa
Angutip pineqartup tigummigallarneqarnera ippassaq sisamanngornermi pingajussaanik sivitsorneqarpoq. Tamatumuuna sapaatit-akunnerini sisamani, naak 20-nik ukiullip Birna Brjánsdóttirip, Reykjavikkimi illoqarfissiornermi kingorna toqungasup nassaarineqarnera pillugu suliami suli pinngitsuuneraraluartoq.
Islandimi tusagassiorfiit arlallit naapertorlugit hashimik 20 kiilumik, januaarip 20-ani tigusaanissami tungaanut kilisaammi inuttaaffigisamini Polar Nanumi nassaarineqartumik anngiortumik eqqusseriaraluarsimanini angutip nassuerutigaa.
Kilisaatip Polar Seafoodip piginneqataaffigisaata misissuiffigineqarneranut atatillugu hashi 20 kiilu nassaarineqarpoq.
Angutip nunatsinneersup tigummigallarneqarnera Reykjavikkimi eqqartuussivimmi sisamanngormat sapaatit-akunnerinik sisamanik sivitsoqqinneqarpoq.
