Nerrivimmi arsaararluni Nunatsinni pissartanngorniunnerni inuusuttut saqqummerluarput
Tassami pingasunngornermit sapaatip tungaanut 1200-riarluni unammisoqarsimavoq. Inuusuttullu pissartanngorniunnerni saqqumminerpaajusut, Nerrivimmi arsaarartartut kattuffiat tusagassiuutinut nalunaarummi allappoq.
Inuusuttut marluk Ivik Nielsen Melissa Larsenilu kisimiilluni unamminerni ajugaapput. Taakku marluullutik inuusuttut nunanut allanut unammisartuannut ilaapput.
Nerrivimmi arsaarartartut katillugit 175-it pissartanngorniunnerni peqataapput. Pissartanngorniunnerillu sisamanngormat ammaanersiiortinneqarmata ilaatigut borgmesteri pissartanngorniunnernullu illersorti Asii Chemnitz Narup oqalugiarpoq.
Aaqqissuisullu sinnerlugit Ujarak Joelsen oqalugiarpoq.
Taassumallu Nunatsinni nerrivimmi arsaararnermut nammineq kajumissutsiminik ukiorpassuarni siuarsaasimanera, Nerrivimmi arsaarartartut kattuffiannit nersorneqarpoq kattufimmullu ataqqinaatitut ilaasortanngortinneqarluni.
Ujarak Joelsen pissartanngorniunnerni aamma unammeqataavoq, utoqqasaat unammineranni peqataalluni.
Nunatsinni nerrivimmi arsaaralluni aappaagu pissartanngorniunnerit Nuummi ingerlanneqassapput.
