Unammineq sioqqullugu neriulluartoqarpoq
Unammineq aappaa, Nunatta nalunaaqutaa naapertorlugu, arfininngornermi, tallimanut qiteqquppat aallartissaaq, Nunattalu unammisartuisa ilaat nalunnginneqarluartoq, Minik Dahl Høegh ajugaanissamut neriuuteqarluarpoq.
- Periarfissagissaarpugut, ingammik tamakkissagutta. Ullumikkut sila apeqqutaalluni ilagut tikissappata unamminissarput pissanganartorujussuussaaq, Minik Dahl Høegh KNR-imut oqarpoq.
Nunattami unammisartui, assammik arsarlutik unammilligassaqaannanngillat, ullummi kingulliit sila imaannaasimanngilaq, nunattalu nunanut allanut unammisartui, Nunatsinni najugaqartuusut, Islandimut apuussinnaasimanngillat. Maannali aallareerput, isumalluutaaqqaallu.
Amerikap nunavittaani unammersuarnerni, Argentinami aasaq ingerlanneqartumi, Nunarput Argentinamut ajugaavoq, ajugaanerlu taanna unammisartunut pingaaruteqarsimaqaaq.
- Immintsinnut tatiginerput angisoorujussuanngornikuuvoq, taamasilluni aamma upperivarput soorunami unnummut ajugaanissarput, Minik Dahl Høegh Reykjavikimiit oqarpoq.