Umimmaat amerlavallaalerput
Umimmaat 27-t Kangerlussuup eqqaanut 1960-ikkunni inissinneqarput, maanna 10.000-it missaanniilersimallutik. Imalu amerlatigilersimapput, amerlavallaalerlutik imminnut navianartorsiortilersimallutik. Danmarkip Radioata nittartagaani tamanna atuarneqarsinnaavoq. Tassami nerisassaarutilerput.
Nerisassaarukkunik ajalusooriaannaapput, Pinngortitaleriffimmi biologi, Kathrine Raundrup, oqarpoq.
Tuttut aamma eqqorneqariaannaapput:
- Sumiiffiit ilaanni ivigaarutilerpoq, orpikkat aamma nungukkiartupiloorlutik. Tuttut nerisassaannik umimmaat nerisalerpata, tuttut neriassaaaruteriaannaapput, Kathrine Raundrup, Pinngortitaleriffimmi biologi, oqarpoq. Umimmaat arnavissat piaqqiorpiarunnaarput, nerisassaarutilernerannullu tamanna ersiutaavoq.
Taamaammat umimmanniarsinnaanermut tuttunniarsinnaanermullu inatsisit Namminersorlutik Oqartussat allanngortiterlugit aallartereerput. Eqqarsaatigineqarpoq tammajuitsussarsiortarneq aallartinneqassasoq, ukiuni marlunni najugaqareersimagaanni aatsaat aavarsinnaaneq umimmanniarsinnaanerlu atorunnaarsinnarsinnaalluni, piseriarlunilu piniarneq immaqa eqqunneqarsinnaalluni.
Kangerlussuup eqqaani piniarnissamut pilersaarusiornermi siorna aalajangerneqarpoq, umimmaat 10.000-it missaanniittut affaannanngortinneqassasut.