Oqaluttuarisaanermit: Umiatsiaqarpallaarneq aalisarnermut iluanaarutissaqartitsinngitsoq
Inatsisissatut siunnersuutigineqartup aalisarnermut maannakkut inatsisaasoq, 1990-ikkut aallartinneranni atuutilersoq aalisarnermillu atukkanik allannguilluinnartoq, taarsissavaa,
- Iliuuseqarnissaq pisariaqarluinnarsimavoq, aalisartummi aalisariutillu amerlavallaartut tamarmik takusinnaavaat, Jens Paulsen, Namminersornerullutik Oqartussat Inuussutissarsiornermut Pisortaqafiani 1985-imit 1992-imut allaffimmi pisortaasoq oqarpoq.
AAMMA ATUARUK Inatsisissatut siunnersuut nangiarnarpallaarpoq
Nunarput EF-imit 1985-mit animmat, aalisariutinik kilisaatinillu imartatsinni aalisartussanik nunarput nammineerluni inerisaasussanngorpoq.
Tamannali ilimagineqartumiit sukkanerusumik pivoq, Jens Paulsenillu oqarneratut avataasiorlutik raajarniartut 1988-mi ima amerlatigipput, aalisariutaatileqatigiit ataasiakkaat naammattumik iluanaarutigisinnaanagu.
Taamanikkut politiikerit aalisagartassanik amerlassusissaannillu akuersisartuunerat, aammalu tamatuma ukiumut tamaasa pisarnera aalisagartassiissuteqartarneq unammillernartunut ilaavoq.
- Taamanikkut nutaanik aalisartoqalertuaannarpoq aqutseriaaserlu
pissutaalluni taamanikkut aalajangiisartunnguakkuluit ilungersuatinneqarlutik.
Aalisarnermut inatsit inatsisartuni oktobarip 22-anni 1990-imi aalajangerneqarpoq aappaaguanilu januaarip aallaqqaataani atuutilerluni.
Piffissamik killiligaanngitsumik pisassiisarneq nutaatut atuulersinneqarpoq.
- Taava ima aaqqineqarpoq, aalisartitseqatigiit ataasiakkaat pisassiissutit ilaannik nammineq pigisaqartalerlutik, Jens Paulsen oqarpoq.
AAMMA ATUARUK Først solgte de kvoterne - nu får de dem tilbage
Tassalu aalisariutaatillit ataasiakkaat aalisartuunertik tamaat pisisassiissutinit tamakkiisunit aalajangersimasunik agguagarsiaqartalerput.
Aamma pisassat tuniniarneqarsinnaanngorput, aalisartitseqatigiit akunnerminni niuffatigisinnaanngorlugit.
- Aammalumi angallatit aalisarnermi atorneqartut angissusaat eqqarsaatigalugu pingajorarterutaata aalisarunnaarsinnissaat iluatsippoq, taamaalilluni sinneruttunut raajarniarneq imminut akilersinaalerluni, allaffimmi pisortaasimasoq oqarpoq
AAMMA ATUARUK Aalisarneq pillugu inatsisissatut siunnersuut akisusinnaasoq
Aalisarnermut inatsit Naalakkersuisut maanna allanngortinnialerpaat, ilaatigut raajarniarnissamut killiligaanngitsumik piffissalikkamik akuersisutit ukiut tallimat sioqqullugit atorunnaarsinneqarsinnaalerlutik.
Jens Paulsen aalisarnermut Inatsisissap ilusilersorneqarneranut akulikkumanngilaq, Naalakkersuisulli aalisagartassiisarnermut siusinnerusukkut atuuttumik atuutileqqitsitsissanngilluinnartut inakkumavai.
- Taama aaqqissuussisimaneq politikerinut ilungersunartorsiorfiusaqaaq, pisassissutillu amerligaluttuinnarnissaanut qaninnerrulersitsivoq.
AAMMA ATUARUK Aalisarnermut inatsisip kingunerisinnaasai erseqqissarneqartariaqarput
