Umiatsiaaraatilik imminut annaanniartariaqarsimavoq
Angut umiatsiaaqqamik angalaartilluni iluliaminermut apornermi kingorna imminut annaanniartariaqarsimavoq.
Allattoq Louise M. Kleemann
Qaqortumi politiit junip qulingiluaani ullaakkut kalerrinneqarput Saarlup avannaani umiatsiaaqqamik inuttaqanngitsumik tissukartoqartoq.
Ullup qeqqanngitsoq inuttaa ajunngitsoq nassaarineqarpoq. Angutip politiinut oqaluttuaraa Alluitsup-paaliartilluni iluliaminermut aporsimalluni imaanullu erfangiussaalluni.
Qujanartumik qeqertamut ungasissimanngilaq taamalu nalulluni qaqisinnaasimalluni. Aamma iluatsiffaarillugu qeqertami piniartunut illuaraqarsimavoq annaanneqarnissami tungaanut isersimaffigisinnaasaanik, Kujataamiumi taamatut allaaserinnittoqarpoq.