Immap naqqatigut kabeli: Umiarsuaq iluarsaassiartortoq Nuummut kiisami tikittoq

Sisimiut kujataatungaani immap naqqatigut kabelip januaarip ulluisa 21-anni ajutoorneratigut avannaani internettikkut attaviit kigaallipput.
Umiarsuup Horizon Enablerip immap naqqatigut kabel Sisimiut avataani iluarsaattussaavaa. Assi © : Carsten Faurschou/KNR
Allattoq Bikki P. Kleist
marsip 06-at 2019 15:48

Tele-Postimi attaveqaqatigiinnermut sulisoq, Paarnaq Hansen KNR-imut oqarpoq, Canadamiut umiarsuaat Horizon Enabler Nuummut kiisami tikittussanngortoq.

- Umiarsuaq Nuummut ualimut nalunaaqutaq pingasut sisamallu akornanni tikissamaarpoq.

AAMMA ATUARUK Umiarsuaq kabelimik iluarsaassisussaq nunatsinnukaleruttorpoq

Umiarsuaq avannamukartinnani immap naqqatigut kabelip kingoraartissaanik aallerluni Nuummukaqqaassaaq, ualimullu Nuummut tikissamaarluni.
 
- Umiarsuaq qaqugu Nuummit aallassanersoq suli ilisimanngilarput, piaarnerpaamilli avannarmukarnissaa pilersaarutaavoq, Paarnaq Hansen oqarpoq.

Canadami St. Johnimi silarlunnera pissutigalugu umiarsuaq sapaatip akunneri arlerlugit kinguaattoorpoq.

AAMMA ATUARUK Kilisaatip immap naqqatigut kabeli ajoquseraa: Eqqartuussissuserisup suliaq misissuiffigaa

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk