Umiarsuaq assartuut ikkarlittoq
Umiarsuaq assartuut nioqqutissanik nunatsinnukaassiartortoq Akilinermi Paggivittami sapaatip-akunnera kingulleq ikkarlippoq.
Allattoq Najaaraq Egede
maajip 10-at 2011 07:17
Umiarsuaq tassaavoq Reykjafoss. Taanna illoqarfimmut Argentiamut apuuteqqammernermi kinguninnguagut ikkarlippoq.
- Inunnik ajoqusertoqanngilaq, assartukkallu aamma ajoqusinngitsut, Royal Arctic Line nittartakkamini nalunaarpoq.
Usit umiarsuarmut allamut nuunneqareerput, taakkulu Islandimut maanna assartorneqarput, kingorna Kalaallit Nunaannukartussamut piffissaq eqqorlugu apuuttussanngorlugit assartorneqarsinnaassasut ilanngullugu ilisimatitsissutigaat.
Islandimiut assartuutaat Reykjafoss, 127 meteriusoq, ikkarlinnermini ima ajoqusertigaaq, iluarsaanneqarnermini piffissami sivisuumi atorneqarsinnaanngikkallassalluni, Islandimi umiarsuaatileqatigiiffik, Eimskip, taama nalunaarpoq.
