Umiarsualivimmi nuannatsitsilluni nalliuttorsiorneq

Royal Arctic Line ukiunik 20-nngortorsiorneranut atatillugu Nuummi umiarsualivimmi nuannatsitsinissamut piumasut tamarmik qaaqqunneqarput. Ilaqutariikkuutaarluni oqilaniunnerit, pinnattaassaat, kalattoortut, nipilersortut qitinnerlu nuannatsitsinermi misigineqarsinnaapput.

Allattoq Peter Troelsen, Simon Uldum

aggustip 15-at 2013 07:28

Arfininngornermi aggustip 17-iani nal. 12-p 16-illu akornanni Nuummi umiarsualivimmi nuannatsitsisoqassaaq. Royal Arctic Line aaqqissuisuuvoq. Imeruersaateqarlunilu nerisassaqassaaq, illoqarfiup qeqqanit bussimik ingerlassisoqassalluni, aamma meeqqanut mikinernut sammisassaqartitsisoqassaaq. Tamakkuupput Royal Arctic Line nalliuttorsiornerminut atatillugu Nuummiunut takornarianullu tunniukkusutai.

Sammisassarpassuit ilagaat ilaqutariikkuutaarluni 5 km-inut oqilaniutsitsineq. Ilaqutariillusi peqataagitsi Sarfaq Ittummilu angalanermik, inunnut marlunnut eqquillusi – angalaneq initalik Ilulissanut Qaqortumulluunniit

Pilersaarut

12:00 Tikilluaqqusineq – siulittaasoq Martha Labansen-mit

12:15             Royal Arctic-p ilaqutariinnut arpattitsinerat (5 km).
                      Ilaqutariillusi peqataagitsi Sarfaq Ittummilu angalanermik, inunnut
                      marlunnut eqquillusi – angalaneq initalik Ilulissanut Qaqortumulluunniit.

12.30 Appa Papii - appissimaassapput

13:30 Pinnguaatit assigiinngitsut eqqugassartallit

14:00 The påhængsmotors qitittitsissapput

15:00 Anders Reimer – kalattuut

15:45 Naggasiineq

Umiarsualivimmi nuannatsitsilluni nalliuttorsiorneq

Aamma atuaruk