Inuussutissarsiutit

Tusagassiuutit: Umiarsuaatileqatigiiffik Nuummi Ilulissanilu akunnittarfiliorusuttoq

Norgemi umiarsuaatileqatigiiffiup Hurtigrutenip Nuummi Ilulissanilu mittarfiit tallilerneqassappata Nuummi Ilulissanilu akunnittarfiliornermut aningaasalersuerusulluni nalunaarutigaa.
Assi © : Marina & Enrique/Flickr Creative Commons
Allattoq Helle Nørrelund Sørensen
oktobarip 02-at 2018 14:27
Nutserisoq Simon Uldum

Sermitsiaq.AG aamma Altinget Arktis taama allaaserisaqarput.

Hurtigrutenip Norgep kitaata sineriaa sinerlugu angalatitsisarnini ilisimaneqaatigaa. Umiarsuaatileqatigiiffik aamma nunatsinni angalatitsisarpoq, 2016-imilu nalunaarutigaa nunatsinni timmisartoqarfeqarnikkut attaveqaatit allanngortinneqassagaluarpata nunatsinni nunattalu eqqaani angalatitsinerulernissani soqutigalugu.

AAMMA ATUARUK Hurtigruten Nunatsinni aningaasaleerusussinnaasoq

Hurtigrutenimi pisortaaneq Thomas Westergaard naapertorlugu, umiarsuaatileqatigiiffik Nuummi akunnittarfimmut 150-inut inissaqartitsisumut Ilulissanilu akunnittarfimmut nutaamut 190 millionit koruuninik aningaasaleerusuppoq.

Nuummili mittarfik ilumut tallilerneqassanersoq pisortaanerup uppernarseqqaarusuppaa.

AAMMA ATUARUK Hurtigruten Issittup Imartaanut angallassisalerniartoq

- Nuummi mittarfiup annertusaavigineqarneranut tunngatillugu qanoq pisoqarnera takoqqaartinnagu pilersaarutinik taama annertutigisunik soorunami aallartitserusunngilagut. Tamanna akunnittarfimmut nutaamut nunamilu ingerlatanut allanut aningaasalersuinermut atuuppoq, Thomas Westergaard Sermitsiaq.AG-mut taama oqarpoq.

Hurtigrutenilli umiarsuarmik takornariartaammik hybridimik ingerlatilimmik 2020-mit angalatitsisarnissaminik pilersaaruteqareerpoq.

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk