Hurtigruten Nunatsinni aningaasaleerusussinnaasoq
Takornariartaatit nutaat marluk Nuummi aallaavillit, Nuutoqqami akunnittarfik najukkamilu takornariartitsivinnik suleqateqarnerulerneq.
Tassa Norgemiut umiarsuaatileqatigiiffiata Hurtigrutenip Nunatsinni takornariaqarnermi aningaasaliinerunissaminnut pilersaarutaasa ilaat.
- Kalaallit Nunaat aligoqqittut isigaarput. Inissisimalluaqimmat umiarsuagut tamaannartartut amerlerusuppagut, Kalaallit Nunaannullu qissimigaarnissat pissusisssamisoorluinnartipparput, atugassiissutaasulli iluarseqqaarneqartariaqarput, Thomas Westergaard oqarpoq.
Atugassiissutaasullu pingaruteqarput. Tassami Hurtigrutens Nunatsinni animngaasaliissutiginiagasa ilaat piviusunngussappata, marluk pisariaqarput: Ilisimasortaqaqqusaaneq uatsinnut atussanngitsoq Nuummilu mittarfik takinerusoq, Thomas Westergaard oqarpoq.
- Allaaveqartariaqarpugut, takornariartitseqattaarmi sivisunerusumi iluaqutigisinnaasatsinnik, amelanerusunimmi aningaasaliiniaraanni sivisunerusumik takornariartitseqattaarnissaq pisariaqarpoq, tamatumanilu Nuuk aallaavissaqittutut isigaarput, taanna oqarpoq.
Tassalu ilisimasoqartarnermut akitsuutit apparneqarlik, taavalu Nuummi tannerusumik mittarfeqalerli.
Taamallu tigussaatigisunik piumasaqaateqarneq ajunngitsuusoq takornariartitsiviup Visit Greenlandip pisortaa, Anders Stenbakken isumaqarpoq.
Aamma atuaruk Mittarfiit allanngortitsilluinnassapput
Hurtigrutenillu pilersaarutai Nunatsinni takornariaqartitsinermut allannguutaanngaatsiassasoq taanna aamma isumaqarpoq.
- Mittarfiit uku pigilerutsigit Nuummut toqqaannartumik missinnaasoqalissaaq, Nunarput tikikkuminarnerulerluni aammalu piginneqatigiiffissuarmit Hurtigrutenitut ittumik aningaasaliisoqarneratigut soqutiginarnerulissalluni. Tamannalu siuariarnerussaqaaaq, Anders Stenbakken oqarpoq.
Aamma Kommuneqarfik Sermersuumit akuersaartoqarpoq. Taamaammat sulilluni aallartittoqareertoq, kommunimi aningaasaqarnermut pisortaq Lars Møller Sørensen oqarpoq.
- Illoqarfiup immikkoortortaanut pilersaarutit pilersaarutillu allat kommunip akuerereerpai. Taamaammat mittafiup tallineqarnissaanut tunngavissat piareeqqapput, Lars Møller Sørensen oqarpoq.
Mittarfiulli tallineqarsaanut suli suliassaqarpoq.
- Namminersorlutik Oqartussat ingerlatsiviutaata Kalaallit Airportsip mittarfiup tallineqarnissaanut aningaasaliineq naammassillugu suliarinninnissaa maanna utaqqivarput. Mittarfiullu tallineqarnissaanut sanaartornerup 2017-innguinnartoq aallartinnissaa neriuutigaarput, Kommuneqarfik Sermersuumi aningaasaqarnermut pisortaq Lars Møller Sørensen oqarpoq.