Mozambique Ulussaarsuartoqarnerani 400.000-it angerlarsimaffeeruttut

Suli amerlaqisut illut qaliaasa qaavini orpinniluunniit ikiorneqarnissaminnik utaqqipput.

Nerisassanik imermillu minguitsumik amigaateqarnerup saniatigut aamma nappaatit tunillaassuunnissaat aarlerinaateqarpoq, Anne Hoff ikiueqqaarnissamik suliuteqarfimmit Plan Børnefonden-imeersoq Mozambiquemiittorlu oqarpoq.

- Kolera, timmilluni naarlunneq, tyfusi nappaatillu arlalippassuit allat imermit mingutsinneqarsimasumit pisut aarlerinartorsiutaapput, Anne Hoff DR-imut oqarpoq.

Mozambiquemi inuit 200 sinnerlugit amerlassusillit ajunaarsimasut ilumnoornerarneqarpoq, nunamilu sanialiani Zimbabwemi sapaatip akunnerata naanerani ulussaarsuup aamma eqqugaani 100-t ajunaarsimapput.

Anne Hoffillu ilimagaa Plan Børnefonden sivikinnerpaamik qaammatit 18 nunami tassaniissasoq.

- Innaallagiaqanngilagut, attassuteqaatit atorsinnajunnaarlutik aseroqqapput, minguitsumik imissaqanngilaq. Atuarfiit aseroqqapput, eqqiluisaarnissamut aqqutit kuuffiillu aamma aseroqqapput, soorlu aamma aqqusineqarfiit, oqaluttuarpoq.

Mozambiquemi inuit 400.000-t angerlassimaffeerussimanissaat Røde Korsip ilimagaa.