Nasap avataarsualiartitaa assinik nunarsuarmut nassitseqqammersoq
Amerikamiut avataarsualiartitsisarfiata Nasap avataarsualiartitaa New Horizons assinik nunarsuarmut nassitseqqammerpoq, seqernup kaavittaaniillu assinik aatsaat taama ungasitsigisumeersunik nunarsuarmut nassitsilluni.
New Horizons
Allattoq Karsten Sommer, Mads Lynge
januaarip 04-at 2019 12:25
Nutaarsiassaqartitsivik AP taama allaaserisaqarpoq.
Seqernup kaavittaatalu ungasinngisaani takuneqarsinnaasut ilaata Ultima Thulep assinga, New Horizonsimit nunarsuatsinnut nassiunneqarsimavoq. Ultima Thule nunarsuatsinnit 6,5 milliardit kilometerinik ungasissusilimmiippoq, Plutomit 1,6 milliardit kilometerit missaannik avasinnerusumiilluni.
New Horizons ukiut 13-it matuma siornatigut avataarsualirtinneqarpoq, Ultima Thulemillu assingi januaarip aallaqqaataani nassiullugit.
Ultima Thulep seqernup kaavittaatalu ukiut 4,6 milliardit matuma pinngornerisa nalaanni pinngorsimanissaa, immikkut ilisimasallit Nasameersut ilimagaat.
