Ulloriaaraqqamit angalasumit nunarsuatta eqqorneqarnissaa aarlerinaateqaqqilertoq
Nunarsuaq ulloriaaqqamit angalasumit 2024 YR4-mit 2032-imi deccembari qaammat eqqorneqarsinnaanera Amerikamiut avataarsualiartitsisarfiata Nasap, ilimasaarutigaa.
Nasap nalunaarsugaataanni marlunngornermi taama saqqummiussiussisoqarpoq.
Avataarsualiartitsisarfiup uuttortaanera naapertorlugu ulloriaaqqap angalasup nunarsuatta eqqornissaanut ilimanassuseq 3,1 procentimiittoq nalilerpaa.
Ulloriaaraq angalasoq taanna massakkut 40 90 miiterit akornanni takissuseqartoq naatsorsorpaat. Naatsorsuineq taanna naapertorlugu ulloriaaqqap angalasup nunarsuarput eqqussappagu illoqarfittut annertutigisoq piuneerutsissinnaavaa.
Naak aarlerinaateqarneruleraluartoq ernumasoqartariaqanngitsoq, ilisimatuut isumaqarput.
- Uippallinngilanga, aningaasatigut iluanaarniutiginagu suliniaqatigiiffimmi Planetary Societymi ilisimatuut pisortaat, Bruce Betts oqarpoq.
Suliniaqatigiiffik taanna avataarsuanut tunngasunik ilisimatuutut misissuisartuuvoq.
Ulloriaaqqap angalasup 30 meterinit anginerusup nunarsuatsinnik eqquisinnaasoq kingullermik 2004-mi ilimasaarutigineqarnikuuvoq.
