Uldum: Uuliap akiata apparnissaa naatsorsuutigaarput

Aap, uuliap akia ilumut apparumarnersoq naluarput, kisianni taama pisoqassasoq naatsorsuutigaarput. Uuliap akia ilumut apparumaarnersut ilisimanagu Polaroilimit erseqqissarneqareersorlu, Aningaasaqarnermut naalajkkersuisoq Andreas Uldum taama akivoq.

Aappaagumut aningaasanut inatsisissatut siunnersuut 100 millionit koruunit pallillugit amigaartooruteqarfiuninissaa matussutissaqartiniarlugu akitsuutit arlaqartut qaffanneqarnissaannik Naalakkersuisut siunnersuuteqarput.

Tamakkununnga ikummatissanut akitsuutit qaffanneqarnissaat ilaavoq.

Tamanna innuttaasunut suliffeqarfinnulluunniit annertuumik nammagassiissutaassanngitsoq Naalakkersuisunut ilaasortaq Andreas Uldum sisamanngormat oqarpoq.

- Uuliap eqqunneqartup akiata apparnissaa naatsorsuutigaarput, Andreas Uldum KNR-imut allappoq.

Aamma atuaruk PolarOil: Uliap qanoq akikillitiginissaa naluarput

Kisianni uulia akikillissanersoq akitsussanersorluunniit taamaassappallu qaqugu tamanna pissanersoq nunatsinni nukissiuutinik uuliamillu pilersuivimmit Polaroilimit oqaatigineqarsinnaanngitsoq, Polaroil KNR-imut tamatuma kingorna erseqqissaavoq.

Tassalu atuisartut suliffeqarfiillu akitsuutit qaffakkaluartut malugisaqassannginnerarlugit, aningaasaqarnermut naalakkersuisup oqarnera Polaroilimit illuatungilerneqarpoq.

Andreas Uldum KNR-imit tamatumunnga ulluni kingullerni oqaaseqartinniaraluarparput iluatsinnaguli.

Aamma atuaruk Uldum: Uuliap akitsuuserneqarnissaa inuiaqatigiinnut akeqassanngilaq

Taarsiullugu allappoq, uuliap akiata apparnissaa suli naatsorusuutigigini, aningaasanulli inatsisissatut siunnersuummi oqasertaliussani aamma nalorninartoqarnera nalakkersuisoqarfimmiit tikkuaritsik erseqqissarlugu.

- Matumani ajornakusoorsimavoq erseqqissumik aningaasaqarnikkut innuttaasunut kinguneriumaagassai naatsorsussallugit, pissutigalugu uuliamik eqqussuinerup annertussusissaa akitigut appariaatissaa apeqqutaasarmat, aappaagumut aningaasanut inatsisissatut siunnersuummi Naalakkersuisut taama allapput.

- Nunarsuarmi allanngorartuartumi inuuvugut, pisiassat qanorpiaq akeqalerumaarnersut ilisimasinnaasarnatigu.

Polaroil tamatuminnga isumaqatigaara. Uulialli qqussuuneqartup akia tulliani isumaqatigiissusiornermi apparumaarttoq, Naalakersuisut naatsorsuutigaat. Kisianni qanoq akikinerulertigiumaarnera piffissap takutikkumaarpaa, Andreas Uldum KNR-imut allappoq.

Isummersuutit


 

Pages