Ukraine Ruslandilu isumaqatiginninniarnissaminnut piareersartut
Ukraine Ruslandilu Hvideruslandip Ukrainellu killeqarfiani isumaqatiginninniassapput. Ukrainep præsidentiata allaffeqarfiat taama nalunaaruteqartoq, nutaarsiassaqartitsivik Reuters paasissutissiivoq.
Ukrainep præsidentiat, Volodimir Zelenskij, oqarnera naapertorlugu illuatungeriillutik piumasaqaatitaqanngitsumik naapinniarput.
AAMMA ATUARUK Russit timmisartui danskit naalagaaffiata silaannaannit mattussaasut
Ukrainemiit Ruslandimiillu kikkut isumaqatiginninniariassanersut suli oqaatigineqanngilaq.
Hvideruslandip præsidentiat, Aleksandr Lukasjenko, Ukrainep naalagaaffiunini annaassanngippagu Ukraine Ruslandimut naapitsinissanik sapaammi kaammattuuteqarpoq.
Nutaarsiassaqartitsivik RIA naapertorlugu taanna oqarpoq.
Russit sinniisaat sapaammi Hvideruslandimukarlutik nalunaaruteqarput, tassani Ukrainemut isumaqatiginninniarniasagamik.
AAMMA ATUARUK Inuit aqqusinermi naapitat isumaqatigiipput: Sorsunneq ajorluinnarpoq, mattussinerli pisariaqarpa?
Russit Ukrainemut Hvideruslandimut qaaqqusinera siulleq Zelenskijp itigartitsissutigeqqaaraluarpaa. Hvideruslandip Ruslandimut illersuinera peqqutigalugu.
