Ukiukitsoq Nuummi mittarfimmi qaartartumeerinissamik siorasaaruteqartoq
17-inik ukiullip qaartartumeerinissamik siorasaaruteqarnerata kingunerisaanik Nuup mittarfia ataasinngornermi ullaap tungaani inuerutsinneqarpoq.
Allattoq Nicole Sander Bertelsen
marsip 30-at 2026 10:47
Nutserisoq Connie Fontain
Politiit 17-inik ukiullip qaartartumeerinissamik ataasinngornermi ullaap tungaani siorasaaruteqarnerata kingunerisaanik Nuummi mittarfimmiipput.
Mittarfimmiittut tamarmik biilit unittarfiannut qimagutitinneqarput, politiit sumiiffimmik assersuipput.
Politiit pisumik misissuisut assersuinerlu atorunnaarsinneqangajalersoq, pigaartut pisortaata, Preben Kleistip oqaatigaa.
- Politiit nalunaaqutaq qulinut nalunaaruteqarfigineqarput, pisorlu erseqqinnerusumik misissuiffigineqarlunilu pisumi ukiukitsoq pineqarmat isumaginninnermik oqartussat ilanngutitinneqassanersut nalilerneqassaaq, Preben Kleist oqarpoq.
