Ukiortaami oqalugiaat KNAPK-mit iluarineqarpoq

Naalakkersuisut siulittaasuata Kuupik Kleistip ukiortaami oqalugiarnermini imaatigut inuussutissarsiornerup ukiuni tulliuttuni qulini imminut akilersinnaasunngornissaata pilersaarusiorneqarnissaanik oqaaseqarnera KNAPK-imit nuannaarutigineqarpoq.
januaarip 06-at 2010 05:27

- Pingaartumik issittumi silap pissusaata allanngoriartortillugu pinngortitamut sunniutai pillugit aammalu siunissaq ungasinnerusoq eqqarsaatigalugu inuiaqatigiit akornanni oqallisigineqartariaqarpoq, Leif Fontaine oqarpoq nangillunilu:

Inatsisartunut qinersinermut atatillugu ilaatigut oqariartuutigaarput imaatigut inuussutissarsiornerup ukiuni qulini tulliuttuni pilersaarusiortoqartariaqartoq.

Nunaqarfinni illoqarfinnilu isorliunerusuni piniartut atugarisaat imaannaanngillat ingammik anorersuakulassitillugu sikuniaasaartalersillugulu, taamaattumik ullutsinni piniartut atugarisaat oqallisigineqartariaqarput, KNAPK-ip siulittaasua oqarpoq.

Taamaattoq suliffeqarfissuup Royal Greenlandip namminersortunngortinneqarnissaanik pilersaaruteqartoqarnersoq, ukiortaami oqaluugiaammi eqqaaneqanngimmat KNAPK-imit pakatsissutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq