Ukiormanna tunfiski siulleq pisarineqartoq
Kalaallit Nunaanni Aalisarsinnaanermut Akuersissutinik Nakkutilliisoqarfimmiit alaatsinaatsitaq Ludvig Hansen, Royal Greenlandip kilisaataataani Tuugaalimmi ilaasoq oqaluttuarpoq, kilisaatip sapaatip akunnerata siuliani ukiormanna tunfiski siulleq pisarisimagaa.
Tunfiski 2,50 meterisut takitigisoq 180 kilonik oqimaassuseqarpoq.
Kilisaatip taassuma siorna tunfiskit 17-it pisarisimavai, taakkunani anginerpaaq 360 kilonik oqimaassuseqarsimalluni.
AAMMA ATUARUK Avaleraasartuunik aalisarneq aamma tunfiskinik pisaqarfiuvoq
Avaleraasartuut malittarisarpaat
Tunfiskit 450 kilonik oqimaassuseqalersinnaapput, tassaallutillu aalisakkani pilerigineqarnerpaanut akisunerpaanullu ilaasut.
Tokyomi aalisakkanik tuniniaavimmi 2011-mi tunfiske 342-nik oqimaassusilik 2,2 millionit koruunilerlugu tunineqarsimavoq.
Assimi ataaniittumi takuneqarsinnaavoq Ludvig Hansen, KANUAANA-mi nakkutilliisut ilaat tunsfiskinillu ukiormanna pisat siullersaat.
AAMMA ATUARUK Tunumi avaleraasartuut tunfiskeqalersitsipput
