Ukiormanna kapisilinniarneq tallimanngorpat unissaaq
Naalakkersuisut KNAPK isumasioqatigereerlugu aalajangerput, ukiormanna kapisilinniarneq tallimanngornermi oktobarip 23-ani unitsinneqassasoq.
- Piffissap pineqartup kingorna kapisilinnik aalisarneq, tulaassineq tunisinerluunniit inerteqqutaavoq. Taamaattumik qassutit tamarmik oktobarip 23-ani 2015-imi qaqereerneqarsimassapput, Kalaallit Nunaanni Aalisarsinnaanermut Akuersissutinik Nakkutilliisoqarfik taama ilisimatitsivoq.
AAMMA ATUARUK Kapisillit tunisaanerat annertugisassaanngitsoq
Sunngiffimmi aamma inuussutissarsiutigalugu aalisarnermi kapisillit pisarineqartut tamarmik kapisilinniarneq pillugu Namminersorlutik Oqartussat nalunaarutaat naapertorlugu Kalaallit Nunaanni Aalisarsinnaanermut Akuersissutinik Nakkutilliisoqarfimmut nalunaarutigineqassapput.
Sunngiffimmi aamma inuussutissarsiutigalugu aalisartut kapisilittatik ullut tamaasa nalunaarutigisussaavaat. Nalunaarsuinermi immersuiffissaq kommunimi imaluunniit uani pissarsiarineqarsinnaavoq.
