Kim Kielsen: Ukiaanerani ataatsimiinnermi inuiaqatigiinnut kalluaasussat suliarineqassapput
Inatsisissatut siunnersuuterpassuit inunnut ataasiakkaanut kalluaasussat saqqummiunneqassassut Naalakkersuisut siulittasuat KNR-imut oqarpoq.
-Ineqarnermut tunngatillugu aaqqissuusseqqinneq annertooq saqqummiunneqartussaavoq. Isumaginninnermut tunngatillugu innarluutilinnullu tunngasoq saqqummiunneqartussaavoq. Inuussutissarsiornerup iluani saqqummiisoqartussaasoq.
- Aalisarnermit pisortaqarfimminngaanniik aalisarnermut inatsisissaq aamma saqqummiunneqartussaavoq, Kim Kielsen oqarpoq.
AAMMA ATUARUK Kim Kielsen og Palle Jerimiassen rejser til Uummannaq
Qinikkammi ukiaanerani ataatsimiinneq septembarip ulluisa 22-ani aallartippat suliassaaleqinavianngillat.
Kim Kielsenip oqarnera naapertorlugu Naalakkersuisut inatsisissatut siunnersuutit katillugit 40-t saqqummiutissavaat. Aalajangiiffigisassat arlallit Inatsisartunit piumasaqaatigineqartut aamma suliarineqassapput.