Ujarassiorimmi ajugaasoq Kuummiuneersuuvoq

Ujarassiorit mi unammisitsinermi ujaqqat katersorneqartut misissugassanngorlugit tiguneqartut Aatsitassanut Ikummatissanullu Pisortaqarfimmi aamma Danmarkimi aammalu Kalaallit Nunaanni Nunami namminermi ujarassiornikkut misissuisarfimmit (De Nationale Geologiske Undersøgelser for Danmark og Grønland) nalilersorneqarput, taakkualu ataatsimoorlutik ujaqqat soqutiginaateqarnerpaatut aalajangiunneqarput.

William Umerinnerup ujaqqat nassiussai  tassaapput ujaqaat grafit-granat-gnejs annertuumik kuultitaqarlunilu saviminissartaqartoq taanna Sermilimmi, Tiniteqilaap avannaata kitaani  nassaarineqarput.

Ujassiorimi 2011-imi unammisitsinermi normut 2-nngorpoq 13-nik ukiulik Karoline Oline Poulsen Nanortallip eqqaani Aappilattumi najugalik. Taassuma ujaqqat annertuumik kuultitaqartut Aappilattup kangiatungaani nassaarai. Karoline Oline Poulsen normu 2-nngornerminni 25.000 koruuninik akissarsivoq.

Ajugaasuni 3-nngortut marluk tamarmik immikkut akileraaruteqaataasussaanngitsunik 10.000 koruuninik akissarsitinneqarput.

4-inngortut sisamat tamarmik immikkut akileraaruteqaataasussaanngitsunik 5.000 koruuninik akissarsitinneqarlutik.
 
Ujarassiorit, nuna tamakkerlugu ujarassiornermik nuannarisalinnik ujarassiortitsineruvoq, ukiut 20-it sinnerlugit maannakkut ingerlareersoq.

Akissarsiassat katillugit 120.000 koruunit akileraaruteqaataasussaanngitsut agguaanneqatarput.

Ujarassiorit mi unammisitsinermi Pingaarnertut aningaasaliisut pingasut tassaapput GrønlandsBankip Inuussutissarsiornermut Aningaasaateqarfia, NunaMinerals A/S aamma QuadraFNX Mining Ltd., tamarmik immikkut akissarsiassanut ataatsimoortunut 40.000 koruuninik tapersiipput.

Ujarassiorit mi unammisitsinermi ajugaasut atii, ujaqqallu nassarineqarfiat  nittartakkatsinni KNR naggat gl-imi takuneqarsinnaapput.