Ujaminnattut nuannaarlutik angerlarput

Peqataasut ullut qulit unammigiaqqareerlutik ataasinngormat Nuummut tikimmata malinnaaffigaagut.

Ujakkaarluni Norgemi Rjukanimi sapaatip akunnerata siuliani pissartanngorniuttoqarpoq.

Nunatsinnit peqataasut arfineq-pingasuupput,  minitaqaratillu tamarmik ujamilerlutik sapaatip akunnerata siluliani angerlarput. 

Guldit marluk, sølvit sisamat, bronzellu qulingiluat ujakkaartartut nunatsinnut angerlaappaat.

AAMMA ATUARUK Ujakkaarluni DM-ertoqarnerani nunatsinneersut kuultinnattut

Unammiat sungiusaasuata Elisabeth Jensenip angusatik nuannaarutigaat.

 - Tassa ingerlalluartukulussuuvugut tamatta ujaminnappugut.

Angalanerlu sivikitsuinnaasimanngilaq.

 - Angalaarsuaarpugtu busserluta sivisoorujummik. Kisianni nuannisarsuataarpugut aqqutaani meeqqat ilikkangaqarsuataarput sungiusaatingersuaarpaat angalanertik una, Elisabeth Jensen oqarpoq.

Anaanaasoq kiisami tikittoorluni nuannaarpoq.

 - Nuannaarpunga. Ullumikkut kaffillerlutalu nerisassallissaagut, Eitui Johnsen Olsen tikittoorami taama oqarpoq.

- Meeraqqaatigigakku siullermeerlunga nunatta avataanut unammiartoorama. Nuannaartorujussuungama taamaasillunga quttaserpunga, Eitui Johnsen Olsen oqarpoq.

Videomi ataaniittumi unnummiat assingi isiginnaarsinnaavatit: