Ujakkaarluni DM-ertoqarnerani nunatsinneersut kuultinnattut

Ujakkaarluni Danmarkimi pissartanngorniunnerit Norgemi Rjukanimi sapaatit akunnerata naanerani ingerlanneqarmata nunatsinneersut ujaminnapput.
Uiloq Slettemark duathlonimik unamminermi ajugaavoq, Caroline Rygemit, Københavns Skiklubimeersumit minutsinik pingasunik sekundinillu 31-inik sukkanerulluni apuulluni. Assi © : Bent Hjarbo
februaarip 05-at 2018 13:24
Nutserisoq Simon Uldum -

Ujakkaarluni Danmarkimi pissartanngorniunnerit Norgemi Rjukanimi sapaatit akunnerata naanerani ingerlanneqarmata nunatsinneersut ujaminnapput.

Uiloq Slettemarkip Nuummi NSP-meersup unammillertini qimakattarlugit unamminerni marlunni kuultinnappoq.
 
Siullermik duathlonimi, tassalu 5 kilometerinut klassiskimik kingornalu 5 kilometerinut fristilimik unamminermi. Aqaguanilu fristilimi 1,4 kilometerinut sprintertoqarmat aamma ajugaavoq.
 
Ujakkaartartutoqarli kisiartaalluni ajugaanngilaq.

AAMMA ATUARUK Sisorartartut kattuffiata ujakkaartartut sisamat AWG-eqataasussatut toqqarai

Aamma ujakkaartartut inuusuttut Norgemi unammisoqarnerani angusarissaarput.
 
Aasianni ASP-meersut Aviana Fleischer, Inunnguaq Lyberth, Nicolas Johansen aamma Camilla Storch, Nuummilu NUP-meersut Tony Lundblad, Dennis Jørgensen aamma Pipaluk Berthelsen ujaminnapput.
 
Ujakkaartartut inuusuttut duathlonimi, sprintimi aamma naatsumut isorartuumullu unamminerni ujaminnapput.

Utoqqaanerusut akornanni aamma ASP-meersut marluk ujaminnapput; Karen Mina Clasen, arnat 60-it sinnerlugit ukiullit unamminerini, Hans Rafaelsenilu angutit 65-it sinnerlugit ukiullit unamminerini.

AAMMA ATUARUK NSP-meersoq ujakkaarluni DM-ertoqarnerani ajugaasoq

200-t missaat ujakkaarluni DM-imi unammeqataapput. Silarlukkaluartoq pilersaarutaasutut unammipput. Unammeqataasullu seqinnersumi apisumilu unammisut, unammiuaartitsinermi aqutsisoq, Carsten Helmuth Pedersen KNR-imut oqarpoq.

Assi © : Bent Hjarbo
Assi: Bent Hjarbo