Ujaasineq unitsiinnanngujoorpaat
Umiarsuaq nakkutilliissut Knud Rasmussen maanna Upernaviup avannaani ujaasivoq, politiit angallataat Sisak II Upernaviup kujataani ujaasisoq. Ullumikkulli timmisartut atorlugit ujaasisoqassanngilaq ullut marluk kinguneqanngitsumik ujaasisoqareersoq.
- Ullumikkut arlaannik nassaartoqanngippat ujaasineq unnugu unitsissavarput, Upernavimmi politiiniit Steffen Lynge KNR-imut taama oqarpoq.
Politiit aamma Kangilinnguani sakkutooqarfiup ujaasinertik arlaanik malussarfigineqanngitsoq, ippassaq taarsinerani unitsippaat. Ullaarlu aalajangiunneqarpoq Sisak II aamma Knud Rasmussen atorlugit ujaasineq nangeqqinneqassasoq.
Ujaasinerup aallartinneraniit politiit innuttaasunit arlalinnit saaffigineqartarput.
Arlaannik paasissutissaateqaraanni Nuummi politiit saaffigineqarsinnaapput oqarasuaat 321448 atorlugu imaluunniit Upernavimmi politiit oqarasuaat 59 02 22 atorlugu.
