Ujaasineq: Politiit angutip inuusuttup umiatsiaaraa nassaarigaat
Angut 20-nik ukiulik Tasiilami suli ujaarineqarpoq.
Umiatsiaaraq inuttaqanngilaq, taamaammat politiit angut suli ujaaraat. Upalungaarsimasut pisortaat, Lars Even oqarpoq.
Allattoq Anders Dall
maajip 28-at 2020 10:41
Nutserisoq Mads Lynge
Angut 20-nik ukiulik Tasiilameersoq, Tasiilamit ippassaani unnuakkut aallartoq politiinit suli ujaarineqarpoq.
Angutip umiatsiaaraa Tasiilamit kimmut 20 kilometerinik ungasitsigisumi politiinit nassaarineqarpoq, umiatsiaararli inuttaqanngilaq.
AAMMA ATUARUK 20-nik ukiulik Tasiilami ujaarineqartoq
Politiit tamanna pillugu angut 20-nik ukiulik tamaani suli ujaarivaat, pigaartut aqutsisuat Lars Even ilisimatitsivoq.
Politiit ujaasinertik ullaaq manna nalunaaqutaq qulingiluanut qiteqquttoq ujaaseqqilerput, qulimiguulik ilaatigut atorneqarluni.
- Angutip sineriammi nunamukarsimasinnaanera pissutigalugu sineriak atuarlugu ujaasinissarput pingaarnerutipparput, Lars Even oqarpoq.
Politiit ujaasinertik ippassaq ualikkut ataatsinut aallartippaat.
