Donald Trump angerlartitaareerluni: Coronavirusi ersigissanngilarsi

USA-p præsidentia, Donald Trump, coronavirusimik tunillatsissimanini pillugu Marylandimi napparsimmavimmi Walter Reed Medical Centerimi ulluni unnuanilu pingasuni uninngareerluni Det Hvide Husimut Washingtonimi ataasinngornermi unnukkut angerlarpoq.

Donald Trump angerlareerluni videoliorpoq inoqatinullu attaveqaatikkut Twitterikkut saqqummiullugu. Innuttaasut virusimut ersissanngitsut videoliami tassani ilaatigut oqarpoq.

- Coronavirusi pillugu ilikkagaqaqaanga. Qularutiginngilaralu: Aqussanngilaasi. Covid-19 ersigissanngilarsi.

- Sulileqqittariaqarpugut. Mianersortariaqarpugulli, Trump, videokkut oqarpoq.

Trump tummeqqakkut majuarluni angerlannginnermini qanermut assiaquteqarluni tusagassiortut aalateriffigeriarlugit kulluni illuttut nittarpai.

AAMMA ATUARUK Nakorsap Trump allanut navianartorsiortitsinera pillugu isornartorsioraa

Taava qanermut assiaqutini peeriarlugu assiliisut saappai kullunilu illuttut nittariarlugit sakkutuutut ilassivoq.

Trump coronavirusi pillugu præsidentip illorsuani Det Hvide Husimi oqaaseqarpoq.

- Nalunngilara Inuunermik navianartorsiorlunga. Ajunngilaq. Maannali ajunnginneruvunga, imaassinnaavorlu tunillanneqarsinnaanngitsunga. Asuki, præsidenti oqarpoq.

Præsidentip nuliani coronavirusimik aamma tunillanneqarsimasoq, Melania Trump, præsidentip illorsuani najuleqqippaa.