Antuut Nersornaat pillugu: Uannut naleqqutinngikkaluarpoq

Anthon Geisler, 100-nik ukioqaleraluarluni llulissani kioskiutiminik suli ingerlatsisoq, 100-liinermini nersorniarneqarnissani naatsorsuutigisimanngikkaluarpaa.
Allattoq Kathrine Kruse
februaarip 22-at 2019 18:07

Inatsisartut siulittaasuata, Vivian Motzfeldtip, namminersorluni inuussutissarsiuteqartoq Anthon Geisler Nersornaammik sølviusumik 100-liinerani sisamanngornermi nersornaaserpaa.

Sølviusumik nersornaaserneqarneranut tunngavilersuutigineqarpoq Anthon Geisleri piffissami sivisuumi tunniusimalluni nersortarialimmik inuussutissarsiummik ingerlatsisimanera, sulilu ukioqqortusereeraluarluni allanik isumalluuteqarnani ulloq manna tikillugu namminersortutut ingerlatsinera pissutigalugu.  

- Inuuvutit inoqatinnut maligassiuisoq, Inuk imminut pilersortuunissamik tamatigoortumik paasinnissimasoq, nunatsinni inuit ilittut paasinnittut amerlanerusuuppata pisortanit ikiorserneqarnissamik naatsorsuutiginninnerit ikinnerungaassagaluarput.
Qanoq immikkuullaritsiginerit ersarissarluarumallugu assersuusiulaallanga. Kunngeqarfik tamaat qiviarutsigu illit kisiartaavutit inuit 6 mio akornanni ilittut ittumik nassaassaqanngilaq, Vivian Motzfeldt Anthon Geislerimut oqalugiarluni taama oqarpoq.

Uani periarfissaqarputit Anthon Geislerip Nersornaammik sølviusumik nersornaaserneqarneranit videokkut immiussamik takusaqarnissannut. Aamma Anthon Geislerip ippassaq 100-liilluni inuuissiorneranut Qanoruumut ilanngutassiaq una toorlugu takoqqissinnaavat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk