U20: Kalaallit arnartaat Argentinami normu 7-nngorput

Unammersuarnermi normu 7-nngorniulluni unamminermi kalaalit Chilemut unamminerminni 29-20-mik ajugaapput.

Kalaallit unammisartui nivissat taamaalillutik Chilemut unammeqqaaramik ajorsaraluarlutik unammeqqinnerini pisariaqarteqisaminnik ajugaapput taamalu unammisaqattaarnermi normu 7-nngorlutik. Taamaalillutik kalaallit arnartaat, Amerikap nunavittaani assammik arsarluni unammersuarnernut peqataaqqinnissaminnut anngunniullutik unammisinnaanngorput.

Nivissat unammersuarnermi ileqqorissaarnerpaatut taaneqarnertik nuannaarutigisinnaavaat, tassami tassaagamik unammersuartuni holdini ikinnerpaamik mianersoqqussutinik ikinnerpaanik tunineqartut anisitaasoqannginnerpaallu.

Unammersuarnerni Argentina ajugaavoq, ajugaaniutivinnermi Brasiliamut 30-26-mik ajugaagamik. Den Dominikanske Republikimeersut normu 3-nngorput. Holdillu taakku pingasut Koreami aggustimi U20-t nunarsuarmi pissartanngorniutilerpata peqataassapput.