Tysklandimi qarsutsinersuaqarnerani inuit 156-it ajunaartut

Tysklandimi Belgiamilu qarsutsinersuaqarnerani inuit katillugit 183-it ajunaartut, nutaarsiassaqartutsuviit allapput.
Allattoq Ritzau
juulip 18-at 2021 12:47

Tysklandimi qarsutsinersuaqarneratigut inuit 156-it ajunaarsimasutut maanna nalunaarutigineqartut, tyskit politiivit paasissutissiipput.

Tysklandimi nunallu saniliani Belgiami inuit katillugit 183-it katillugit ajunaarput. Belgiami inuit 27-it inuunerminnik annaasaqarput.

Tyskslandip forbundskansleriat, Angela Merkel, nunamut ajunaarnersuaqarfiusumut qanigisaminnik annaasaqarsimasut ullumi sapaammi inuit qanimut tikillugit oqaloqatigiartussavai.

Siallerujussuarnerani nunat marluk tassalu Rheinland-Pfalz aamma Nordrhein-Westfalen eqqugaanerpaapput.

Rheinland-Pfalzimi inuit 110-t ullumikkut ajunaartut politiit ullaap tungaa nalunaarutigaat.

Inuillu 670 ajoqusersimasut nalunaarutigineqarlutik, inuillu ataasiakkaat maqaasineqarput, tysklandimilu tusagassiuutit allaaserisaat naapertorlugu angutip sialussuaarneq aatsaat taama ajortigisumik misigaa.

- Inuunera tamaat maniinnikuuvunga, maani inunngorpunga, assingusumik misigisaqanngisaannarsimavunga, Gregor Degen nunami aseruatiteriffiungaatsiartumeersoq oqaluttuarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk