Assi: AMISOM Public Information

Tyrkiami Erdoganip pissaaneqarnerulernissaanut akuersaartut ajugaaqqatartut

Tyrkiami nunami naalakkersuinikkut aaqqissuussineq pillugu ullumi taasititsisioqarneranut atatillugu præsidenti Erdogan akuersaartunut qujassuteqarpoq.

Naak aqqusinerni akuersaartut nuannattorujussuugaluartut suli taasinermit inernerit tamakkiisut saqqummiunneqanngitsut, DR.DK allaaserisaqarpoq. 

Taamaattoq maanna præsidentiusoq Erdogan 2029-p tungaanut pissaaneqaleriiaannaavoq.

Erdoganimi akuersaartunut qujassuteqarluni oqalugiareerpoq.  

Akuersaartut ajugaaqqatartutut kisitsinerit kinguullit takutippaat. 

Kisitsinermi inernerit kingulliugallartut naapertorlugit akuersaartut  51,3 procentiupput, naaggaartut 48,7 procentiullutik.

Akuersaartut ajugaaqqatarpata tamanna amerlanerussuteqaqqalaartunit pakatsissutigineqarsinnaasoq, DR-p ilanngutassiortuata, Michael S. Lundip oqaatigaa.

- Massakkullu taasineq præsidentimut ajugaaneruvoq. Taasisitsinermili akuersaartut amerlanerunissaat præsidentip soorunami neriuutigigaluarpaa. 

Taasinermi inernerit takutippaat, Tyrkia marlunngorluni avissaaqqasoq, tassami præsidentip 2029-p tungaanut pissaaneqarnissaanut akuersaartut ajugaaqqatarput.

Tyrkiami politikikkut illuatungiliuttut isumaqarput, taasisitsinermi peqqusserluttoqarsimasoq, kisitseqqittoqarnissaalu illuatungiliuttunit aamma piumasarineqarpoq.
 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat