- Ernumasoqarunnaarnissaa anguniarlugu apeqquteqarfigineqartut oqartussaasut ikiortiseralugit sapinngisamik erseqqissumik nassuiarlugillu akisassavavut, TV2-p nutaarsiassalerinermut pisortaa Mikkel Hertz oqarpoq.Assi: Martin Sylvest/Ritzau Scanpix

TV2-mi sulisut ilaat coronavirusimik tunillanneqarsimasoq: Sulisut ernumasut

Sulisorpaaluit corinavirusimik tunillanneqarsimasorineqassappata TV2-mi aallakaatitassiornerit qularnanngitsumik eqqugaassapput.

TV2-mi sulisut ilaata coronavirusimik tunillanneqarsimanera paasinarsereersorlu, TV2-mi sulisut arlallit ernumalerput.

TV2-p nutaarsiassalerinermut pisortaa Mikkel Hertz taama oqarpoq.

- Sulisut ilaat ernumapput, tamanna aamma paasisinnaavara. Tusarakku uanga aamma ernumalerpunga, Mikkel Hertz oqarpoq.

- Ernumasoqarunnaarnissaa anguniarlugu apeqquteqarfigineqartut oqartussaasut ikiortiseralugit sapinngisamik erseqqissumik nassuiarlugillu akisassavavut, Mikkel Hertz oqarpoq.

TV2-p Københavnimi Teglholmenimi immikkoortortaqarfiani sulisui sisamanngornermi ullaap tungaani ataatsimiigiaqquneqarput, napparsimasut isumannaatsuunissaat pillugu aqutsisoqarfik tassani apeqquteqarfigineqarsinnaalluni.

AAMMA ATUARUK Danskimik coronavirusimik tunillanneqarsimasumik siullerpaamik siumuisoqartoq

TV2-mi sulisoq Jacob Tage Ramlyng, ilaquttani ilagalugit Italiap avannarpasissortaani sapaatip-akunnerata siuliani sisorariarsimavoq, ippassarlu pingasunngornermi suliartorsimalluni.

Inuummarliortutut misigisimanini pissutigalugu angerlaannarnissani pisortanilu oqaloqatigereerlutik aalajangerpaat, coronavirusimillu tunillanneqarsimasoq ippassaq unnuakkut paasitinneqarsimalluni.

TV2-mi sulisut nualluummik tunillanneqarsimasinnaasorineqartut, napparsimasut isumannaatsuunissaat pillugu aqutsisoqarfimmit sisamanngornermi attavigineqarumaarput, mattussaanissaat pisariaqassanersoq tassani paasiniarneqassalluni.

- Suli naluarput, kisianni suliatsinnut arlaatigut kinguneqarumaarpoq, qanorlu kinguneqassanersoq suli ilisimannngilarput, TV2-p nutaarsiassalerinermut pisortaa Mikkel Hertz oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat