TV 2-mi pisortaq isornartorsiorneqareernermini napparsimalluni sulinngiffeqartoq
TV 2-p aaqqissuisoqarfiata pisortaa, Ulla Østergaard, napparsimalluni sulinngiffeqaleqqammerpoq. TV 2 taama ilisimatitsisoq, aviisi Berlingske allappoq.
Ulla Østergaard Kalaallit Nunaanni apriilip aallartinnerani qinersinnginnermi eqqunngitsumik ilanngutassiorsimanini pillugu isornartorsiorneqangaatsiareerluni napparsimalluni sulinngiffeqarpoq.
TV 2 Ulla Østergaardilu Inuit Ataqatigiit (IA) siulittaasuat qinersinermilu ajugaallunilu tamatuma kingorna naalakkersuisunut siulittaasunngortoq, Múte Egede, pillugu Kalaallit Nunaanni qinersinissamut ullualuit sioqqullugit eqqunngitsumik ilanngutassiornerminnut isornartorsiorneqarput.
AAMMA ATUARUK Tusagassiuutit: Aaqqissuisoqarfiup pisortaata Múte B. Egede pillugu oqaluttuaq upperigaa
Múte Egede aningaasatigut nammineq iluanaarutigisimasaminik suliani marlunni attuumassuteqarpallaarsimasoq, ilanngutassiaanni ilisimatitsissutigineqarpoq.
Tamannali ilumuunngilaq, TV 2-llu ilanngutassiani eqqortuunnginnerarlugulu taassuminnga saqqummiussinini ajuusaarutigaa.
TV 2-p ilanngutassiani tusarfigisami oqaluttuaa naapertorlugu suliaaraa. Ulla Østergaardilu ilanngutassiamik taassuminnga saqqummersitseqqusisuusimasoq, Ekstra Bladet allappoq.