Tuttut ingerlaarnerat norgemiut tv-kkut aallakaatitassiariniaraat
Norge napillugu qimuttuitsunik angalaneq iluatsilluartumik kipiffeqanngittumik assililereerlugu ammalu norgep kangerluini ullorpassuarni Hurtigrutemik umiartorneq aallakaatitassiarereerlugu, norgemi isiginnaartartut allamik taama ittunik misigisaqaqqissinnaalerput.
Tamatumuuna tuttut malittarineqassapput.
Ullup unnuallu ingerlanerata annersaani NRK-kkut tuttut Laplandikkoornerisa annersaat malinnaaffigineqarsinnaassaaq.
- Ingerlaarneq qanoq sukkatigissanersoq tuttut namminneq aalajangissavaat. Sila neriniartarfiisalu qanoq issusaat apeqqutaassasut NRK-meersoq Per Inge Åsen nassuiaavoq.
- Pinngortitamit nalissaqanngitsunik asserpassuaqarumaartoq taanna neriorsuivoq.
Immiussineq pissaaq apriilip naalernerani, tuttut ukiiffigisimasaminniit aasaanerani neriniartarfimminnut sinerissamut qanittumukaalerpata.
Assiliissutit timmisartuaqqanut ungasianiit aqunneqarsinnaasunut ikkussukkat, qamuteralaat assiliivillu tuttut ilaannut ikkunneqarsimasoq angallavianni 100 kilometerisut isorartutigisumi immiussinermut atorneqassapput.
