"Tutineq siulleq" septembarip 22-ani saqqummersinneqalerpoq
Eqqumiitsuliortoq titartaasartorlu Kim Godtfredsen atuakkamik saqqummersitsisuuvoq, inuit siullerpaat Kalaallit Nunaannut ukiut 4500-t matuma siornatigut tummaqqaarnerannik oqaluttualiaalluni.
Nukappiaraq Nanu, toornat, inuillu piniarnerinnavimmik toqqammavillit atuakkiami qitiupput, inuit qangarsuaanilli inuusaasiannik unikkaaq, ilaatigut nannunniartarnerannik, toornaqartarnerannik nunassamillu ujarlernerannik imaqarluni.
Danmarkimi katersugaasivissuaq Meeqqallu Atuarfianni atortussanik saqqummersitsisarfik, Ilinniusiorfik, suleqatigalugu atuakkiaq "Tutineq siulleq" piviusunngortinneqarpoq, Nanumullu tunngasunik oqaluttualiaq inuppassuit ilisarissagunarpaat, Nanup misigisai Sermitsiakkoorlugu siornatigut saqqummersinneqartarnikuummata.
Titartakknik atukkiortoqarneratigut oqaluttualiaq kikkunnut siammarterneqarniarpoq, pingaartumik meeqqanut inuusuttunullu. Pilersaarutilli tamaanga killeqanngillat, atuakkiarmi tuluttut, Inuktitut franskisullu saqqummersinneqarnissaa pilersaarutaavoq.
Kalaallit Nunaanni ilisimatuutut misissuinermut kommissioni, Kultureqarnermut attaveqaqatigiinnermullu tunngasunik ataatsimiititaliaq, kiisalu Canadap Danmarkimi aallartitaqarfia saqqummersitamut aningaasalersueqataapput.
