Californiami inuit tusintilikkuutaat orpippassuit ikuallanneranni qimaasariaqarsimasut

Qulimiguulimmmi aquttoq Amerikami naalagaaffimmi Californiami pinngortitami ikuallanneq qaminniartillugu ajunaarpoq.

AAMMA ATUARUK Californiami orpippassuarni suli ikuallarujussuartoqartoq

Illoqarfimmi Vacavillemi najugallit amerlasuut najugaqarfitsik qimagassagaat nalunaarfigineqarput.

Vacavillemi najugallit angerlarsimaffimminnit tuaviinnaq qimaguttariaqarsimallutillu sinngusitillu atuinnarlugit biillerlutik qimaguttariaqarsimallutik.

Angerlarsimaffiit ilaanni gassit aqqutaat qaarsimapput, ikuallannerullu ilaa aqqusinernjut siaruaassimalluni.

Ikuallanneq qamikkuminaatsorujussuusoq, tamannalu nunap immikkoortuani illut sanaartukkallu allat 1900-t missaanniittut ikuallannerannik kinguneqarsinnaasoq, qatserisartut pingasunngornermi nalunaarutigaat.

AAMMA ATUARUK Nunarsuarmi aatsaat taama kiatsigisoq: Oktobarimi ukiuni 40-ni aatsaat taama kiatsigisoq

Californiami orpippassuarni ikuallanneq kiarujussuarnera peqqutigalugu siaruaappoq.

Nevadap inoqajuitsuata Death Valleyp kiassusia sapaatiummat uuttortarneqarmat 54,4-nik kiappoq.